दिवाळीचा अध्यात्मिक अर्थ आणि वास्तुशास्त्राशी संबंध

दिवाळी हा फक्त आनंद आणि प्रकाशाचा सण नाही, तर तो ऊर्जा परिवर्तनाचा आणि आत्मशुद्धीचा काळ आहे.
वास्तुशास्त्रानुसार, या काळात पृथ्वीवरील ऊर्जा (Cosmic Energy) अत्यंत सक्रिय असते.
म्हणूनच या दिवसांत घर स्वच्छ करणे, दिवे लावणे, सुगंध, रंगोळी आणि पूजन यांना विशेष महत्त्व दिलं जातं.

वास्तुशास्त्रानुसार दिवाळीचे महत्त्व:

स्वच्छता आणि ऊर्जा प्रवाह:
दिवाळीपूर्वी घराची साफसफाई केली जाते.
वास्तुशास्त्र सांगते की —

“जिथे स्वच्छता असते, तिथे सकारात्मक ऊर्जा वसते.”

धूळ, कचरा आणि जुन्या वस्तू हे “स्थिर ऊर्जा केंद्र” बनतात.
त्यामुळे नवीन ऊर्जेला प्रवेश मिळत नाही.
दिवाळीतील स्वच्छता म्हणजे नकारात्मक ऊर्जा दूर करून घरात नवचैतन्य आणणे.

दिवे आणि प्रकाशाचे महत्त्व:
दीप म्हणजे अग्नी तत्त्वाचं प्रतीक . 
वास्तुशास्त्रात अग्नी तत्त्व दक्षिण-पूर्व (आग्नेय) दिशेशी जोडलेले आहे.
दिवे लावल्याने घरातील अंध:कार, म्हणजेच अज्ञान व नकारात्मकता, दूर होते.

प्रकाश हा दैवी ऊर्जेचा माध्यम आहे जो मन आणि वातावरण शुद्ध करतो.

लक्ष्मीपूजन आणि दिशानुसार व्यवस्था:
लक्ष्मी पूजन करताना

• पूर्व किंवा उत्तर दिशेला तोंड करून पूजा करावी.

• लक्ष्मी मूर्ती कमळावर बसलेली आणि दोन्ही बाजूला हत्ती असलेली ठेवावी.

• पूजेच्या ठिकाणी श्री यंत्र किंवा कुबेर यंत्र ठेवणे अत्यंत शुभ असते.

हे सर्व वास्तुच्या उत्तर-पूर्व (ईशान) कोनाशी संबंधित आहे, जो दैवी आणि ज्ञानतत्त्वाचा कोन मानला जातो.

रंगोळी आणि सुगंध यांचा वापर:
रंगोळी ही केवळ सजावट नाही, तर ती ऊर्जेचा संरक्षक मंडळ आहे.
फुलं, रंग, आणि सुगंध यामुळे वातावरणात सात्विक कंपन निर्माण होतात.

हे कंपन देवी लक्ष्मीला आकर्षित करतात.

फटाके आणि ध्वनी ऊर्जा:
जरी आज फटाक्यांवर मर्यादा आहेत, तरी प्राचीन काळात आवाज आणि प्रकाश यांच्या माध्यमातून

नकारात्मक ऊर्जा आणि असुरिक शक्तींचा नाश करण्याची भावना होती.

अध्यात्मिक संदेश:

दिवाळी म्हणजे आत्मदीप जागवण्याचा दिवस.
जसे आपण घरात दिवे लावतो, तसेच आपल्या मनातील अंध:कार — द्वेष, ईर्षा, लोभ, भीती — दूर करून
आतल्या ज्ञानदीपाला प्रज्वलित करणे हेच खरे दीपावलीचे सार आहे.

“प्रकाश बाहेर नाही, तो आपल्यामध्ये आहे.

दिवाळी म्हणजे त्या प्रकाशाशी एकरूप होण्याचा क्षण.”

HAPPY DIWALI ALL...

VASTUABHY.COM 

9552377308